सुरेन्द्रराज पाण्डेको कांग्रेस उपसभापतिमा उम्मेदवारी घोषणा

काठमाडौं- नेपाली कांग्रेसका केन्द्रीय सदस्य एवं गण्डकी प्रदेशका मुख्यमन्त्री सुरेन्द्रराज पाण्डेले पार्टीको १५औँ महाधिवेशनमा उपसभापति पदमा उम्मेदवारी घोषणा गरेका छन्।

पाण्डेले पार्टीभित्र एकता र सुदृढ संगठन निर्माणलाई प्राथमिकता दिँदै सबै तह र पुस्ताबीच संवाद, सहकार्य र साझा उद्देश्यका आधारमा अघि बढ्ने बताएका छन्। उनले पार्टी सदस्यका रूपमा ४५ वर्षभन्दा बढीको अनुभव र तीन पटक केन्द्रीय सदस्यका रूपमा काम गरेको अनुभवलाई आगामी यात्रामा उपयोग गर्ने उल्लेख गरेका छन्।