सदन सुचारु गराउन सत्तारूढ दलका शीर्ष नेताले पहल गर्ने

काठमाडौं । सुन तस्करी काण्डको विषयलाई लिएर संघीय संसदको प्रतिनिधिसभा र राष्ट्रिय सभा बैठक अवरुद्ध भइरहेका बेला सत्तारूढ दलका शीर्ष नेता त्यसलाई खुलाउन अन्य राजनीतिक दलसँग छलफल गर्ने निष्कर्षमा पुगेका छन् ।

प्रधानमन्त्री निवास बालुवाटारमा बुधबार सत्तारूढ प्रमुख तीन दलका शीर्ष नेताहरूबिच यस्तो सहमति भएको हो ।