कांग्रेस महाधिवेशन : रन्जित कर्णले गरे महामन्त्रीमा उम्मेदवारी दिने घोषणा

काठमाडौं : नेपाली कांग्रेसको १५औँ महाधिवेशनमा महामन्त्री पदमा रन्जित कर्णले उम्मेदवारी घोषणा गरेका छन् । नेपाल विद्यार्थी संघका पूर्वकेन्द्रीय अध्यक्ष, संविधानसभा सदस्य तथा हाल राष्ट्रियसभा सदस्य रहेका कर्णले आफूलाई महामन्त्रीको उम्मेदवारका रूपमा प्रस्तुत गरेका हुन् ।

महामन्त्रीको संख्या थप गर्ने प्रस्ताव चलिरहेको बेला उनले उम्मेदवार दिने घोषणा गरेका हुन्। महामन्त्री पदका लागि आधा दर्जनभन्दा बढी आकांक्षी मैदानमा उत्रिएपछि कांग्रेसभित्र प्रतिस्पर्धा पेचिलो बन्दै गएको छ। उनले कांग्रेसलाई परम्परागत ढर्राबाट अघि बढाउने नभई संगठनात्मक सुधार र नयाँ राजनीतिक संस्कारमार्फत रूपान्तरण गर्ने एजेन्डा अगाडि सारेको बताए। कर्णले भने,‘मेरो उम्मेदवारी पदका लागि मात्र होइन,पार्टीको संगठन सुधार, नयाँ राजनीतिक संस्कार र जनतासँग कांग्रेसको सम्बन्ध पुनः स्थापित गर्ने संकल्प हो।’