कोहलपुर नगर अस्पतालमा आजदेखि ‘एन्टिरेबिज भ्याक्सिन’ सेवा

नेपालगञ्ज – कुकुर तथा अन्य जनावरको टोकाइबाट हुने रेबिजको जोखिम न्यूनीकरणका लागि कोहलपुर नगर अस्पतालले आजदेखि नियमित एन्टिरेबिज भ्याक्सिन (एआरभी) सेवा सञ्चालनमा ल्याएको छ।

यसअघि एआरभी सेवा लिन कोहलपुरवासी नेपालगञ्जस्थित भेरी अस्पताल पुग्नुपर्ने बाध्यता थियो। नगर अस्पतालमै सेवा सुरु भएपछि कोहलपुर र आसपासका रेबिजको जोखिममा परेका सेवाग्राहीलाई सहज हुने भएको छ।