कार्यदलले टुंग्याउन सकेन सिट बाँडफाँट
annapurnapost.com · Thu Aug 18 00:48:00 GMT 2022
काठमाडौं : सत्ता गठबन्धनको सिट बाँडफाँटको खाका तयार गर्न बनेको कार्यदलले शीर्ष नेतासँगको गृहकार्य निष्कर्षमा नपुगेपछि उक्त विषय टुंग्याउन सकेको छैन । प्रतिनिधिसभामा १६५ र प्रदेशसभामा ३३० सिटका लागि सिट बाँडफाँटको मोडालिटी बनाउने जिम्मेवारी पाएको कार्यदलले साउन मसान्तसम्म सिट बाँडफाँटको मोडालिटीसहित सुझाव दिने भने तापनि गठबन्धनका शीर्ष नेताबीच गृहकार्य नपुगेको कारण देखाउँदै समय लम्ब्याएको छ।
साउन २० गते सत्तारूढ गठबन्धन दलहरूले सिट बाँडफाँटका लागि खाका तयार गर्न ११ सदस्यीय कार्यदल गठन गरेको थियो। साउन २३ गते कार्यदललाई व्यवस्थित बनाउने भन्दै कांग्रेसका शीर्ष नेता कृष्णप्रसाद सिटौलालाई कार्यदलको संयोजक तोकेका थिए। यद्यपि, १३ दिनसम्म पनि कार्यदलले कुनै किसिमको खाका तयार पार्न सकेको छैन। संयोजक सिटौलाले भने गठबन्धन दलका शीर्ष नेताहरूसँग छलफल गरिराखेको भएपनि कुनै नेतालाई सिट बाँडफाँटको खाकाको आधार पनि चित्त बुझेको छैन।
स्रोतमा पूरा पढ्नुहोस् (annapurnapost.com)