ओडीआई मान्यता जोगाउने नेपालको प्रमुख लक्ष्य

१९ असोज, काठमाडौं । एसीसी प्रिमियर कपको च्याम्पियन बनेको नेपाली क्रिकेट टोलीसामु अब अर्को एउटा ठूलो चुनौती उभिएको छ- आईसीसी विश्वकप लिग-२ को अन्तिम शृङ्खलामा उत्कृष्ट प्रदर्शन गर्दै एकदिवसीय अन्तर्राष्ट्रिय (ओडीआई) मान्यता जोगाउनु ।

विश्वकप छनोटमा सोझै पुग्ने बाटो नेपालका लागि धेरै नै कठिन भइसकेको छ । यद्यपी गणितीय सम्भावना अझै बाँकी छ । यदि चमत्कारिक रूपमा आगामी सबै नतिजाहरू नेपालकै पक्षमा आए भने मात्र नेपाल लिग-२ को शीर्ष चारभित्र परेर सोझै विश्वकप छनोटमा पुग्न सक्छ; तर यसको सम्भावना अत्यन्तै न्यून छ ।