सेबोनको नयाँ व्यवस्थापछि सेयर बजारमा निराशा, नेप्से २० अंकले घट्यो

काठमाडौं- नेपाल धितोपत्र बोर्ड (सेबोन) ले आधारभूत सेयरधनीले आफ्नो ५ प्रतिशत वा सोभन्दा बढी सेयर बिक्री गर्नुपरे कम्तीमा १५ दिनअघि सम्बन्धित कम्पनीलाई जानकारी दिनुपर्ने व्यवस्था गरेपछि सेयर बजारमा त्यसको नकारात्मक प्रभाव देखिएको छ। आम लगानीकर्तामा निराशा बढेसँगै बजारमा लगातार गिरावट आएको हो।

गत साता पनि घटेको सेयर बजार यो साताको पहिलो कारोबार दिन सोमबार उच्च अंकले घटेर बन्द भएको छ। सोमबार सेयर बजार परिसूचक नेप्से २०.४८ अंकले घटेर २ हजार ५६६.७६ विन्दुमा झरेको छ।