नोबेल पुरस्कारका पाँच तथ्य

स्टकहोम। मानवताका लागि उल्लेखनीय योगदान पुर्‍याउने व्यक्ति तथा संस्थालाई सन् १९०१ देखि प्रदान गरिँदै आएको नोबेल पुरस्कारको इतिहासमा संघर्ष, उमेरको विविधता, महिला प्रतिनिधित्व तथा संस्थापक अल्फ्रेड नोबेलको साहित्यप्रतिको रुचिसँग सम्बन्धित अनेक रोचक पक्ष छन्। यस वर्षका पुरस्कार विजेताको घोषणा अक्टोबर ५ देखि १२ सम्म हुनेछ।

नोबेल शान्ति पुरस्कारका पाँच विजेता पुरस्कार समारोहमा सहभागी हुन पाएका छैनन्। सन् १९३६ का विजेता कार्ल भोन ओस्सिट्स्की नाजी यातना शिविरमा थिए भने आङ सान सुकी सन् १९९१ मा नजरबन्दमा थिइन्। सन् २०१० का विजेता लिउ सियाओबो जेलमा रहँदा उनका लागि पुरस्कार राखिएको कुर्सी खाली राखिएको थियो। सन् २०२२ मा एलेस बियालियात्स्की जेलमा थिए र उनको प्रतिनिधित्व पत्नी नतालिया पिन्चुकले गरेकी थिइन्। सन् २०२३ मा नर्गिस मोहम्मदी पनि जेलमै थिइन्।