कमजोरीप्रति आत्मालोचित हुँदै अघि बढ्ने सङ्कल्प गर्ने शर्माको प्रस्ताव

काठमाडौँ । नेपाली कांग्रेसका उपसभापति विश्वप्रकाश शर्माले कांग्रेस प्रतिपक्षमा भए पनि आवेग,अनपेक्षित द्वन्द्व र निराशा समाजमा बिस्तार हुन दिने पक्षमा नरहेको बताएका छन् । कांग्रेसको जारी १५औँ महाधिवेशनमा समसामयिक प्रस्ताव पेस गर्दै उपसभापति शर्माले नकारात्मक सोचलाई कांग्रेसले स्थान नदिने बताएका हुन् ।

‘देशको मूल नेतृत्व गर्ने सरकारकै कर्मले नागरिकमा आशा जाग्ने या निराशा झ्याङ्गिने हुन्छ तर कांग्रेस मान्यता राख्दछ– प्रतिपक्ष झनै जिम्मेवार ढङ्गले प्रस्तुत हुँदा त्यसले नागरिकको प्रश्नलाई एकातर्फ बलियो बनाउँछ, अर्कातर्फ समाजमा आशाको दियोलाई निभ्न दिँदैन’, शर्माको प्रस्तावमा भनिएको छ ।