बेलायतबाट अमेरिकी बमवर्षक फिर्ता

वासिङ्टन, १९ असोज । संयुक्त राज्य अमेरिकाले बेलायतस्थित रोयल एयर फोर्स (आरएएफ) फेयरफोर्डबाट आफ्ना सबै बी–१ बमवर्षक विमान अमेरिकास्थित गृहस्थानमा फिर्ता गरेको पेन्टागनले पुष्टि गरेको छ । एयरबेसनजिकै संदिग्ध गतिविधि देखिएपछि आसपासका ८५ घर खाली गराइएको घटनाको केही दिनपछि अमेरिकी बमवर्षक फिर्ता गरिएका हुन् ।

पेन्टागनका एक अधिकारीले परिचालन सुरक्षाका कारण सैन्य सामग्री र सैनिकको आवागमनबारे तत्काल जानकारी दिन नसकिएको बताएका छन् । घटनामा प्रहरीले भ्यानबाट विस्फोटक पदार्थ नभेटिए पनि पेट्रोल बरामद गरेको राष्ट्रिय आतङ्कवादविरोधी प्रहरी प्रमुख लरेन्स टेलरले बताए ।