गौशालाको व्यवस्थापन सहज बनाउन धनगढीले दियो ट्र्याक्टर

धनगढी । धनगढी उपमहानगरपालिका–१४ फूलबारीस्थित हाम्रो गौशालाको व्यवस्थापन सहज बनाउन धनगढी उपमहानगरपालिकाले ट्र्याक्टर उपलब्ध गराएको छ ।

उपमहानगरपालिकाकी नगर उपप्रमुख कन्दकला राणाले सोमबार गौशाला व्यवस्थापन समितिका अध्यक्ष यादवकुमार भण्डारीलाई ट्र्याक्टर हस्तान्तरण गरेकी हुन् । ट्र्याक्टर उपलब्ध भएपछि गाईका लागि आहारा व्यवस्थापन, गोबर व्यवस्थापनलगायत दैनिक काममा सहज हुने अपेक्षा गरिएको छ ।