तयारी पोशाक निर्यात बढाउन नीतिगत र कानुनी सुधारको माग

काठमाडौँ- नेपाल तयारी पोशाक उद्योग संघले तयारी पोशाक क्षेत्रलाई दिगो, प्रतिस्पर्धी र रोजगारमूलक बनाउन प्रचलित ऐन, नियमावली, कार्यविधि तथा नीतिमा आवश्यक सुधार गर्न सरकारसमक्ष प्रस्ताव गरेको छ।

संघले निर्यात व्यापार प्रवर्द्धनका लागि नीतिगत स्पष्टता र कानुनी सुधारको माग गर्दै विभिन्न बुँदा समेटिएको प्रस्ताव प्रधानमन्त्री तथा मन्त्रिपरिषद्को कार्यालयसमक्ष पेश गरेको हो। संघका अध्यक्ष पशुपतिदेव पाण्डेका अनुसार प्रस्तावमा तयारी पोशाक उद्योगको उत्पादन तथा निर्यात लागत घटाउने, बजार पहुँच विस्तार गर्ने र लगानीको वातावरण सुधार गर्ने विषय समेटिएका छन्।