विश्व लगानीकर्ता सप्ताहको अवसरमा ३ शहरमा प्रभातफेरी

काठमाण्डु – विश्व लगानीकर्ता सप्ताह २०२६ को अवसरमा नेपाल धितोपत्र बोर्डको आयोजना तथा स्टक ब्रोकर्स एसोसिएसन अफ नेपालको सहकार्यमा देशका ३ प्रमुख शहरमा प्रभातफेरी कार्यक्रम आयोजना गरिएको छ ।

विश्व लगानीकर्ता सप्ताहको पहिलो दिन सोमबार पोखरा, विराटनगर र सुर्खेतमा एकैसाथ प्रभातफेरी कार्यक्रम सञ्चालन गरिएको हो । कार्यक्रममार्फत पुँजी बजार, लगानी तथा लगानीकर्ताको अधिकार र हितसम्बन्धी सचेतना अभिवृद्धि गर्ने उद्देश्य राखिएको थियो ।