फ्लपको सूचीमा जीतुका चलचित्र, कमाइ निराशाजनक

कलाकार तथा निर्माता जीतु नेपालको पछिल्लो समय बक्स अफिस प्रदर्शन कमजोर देखिएको छ। तीन महिनाको अवधिमा उनका निर्माण तथा अभिनय रहेका दुई चलचित्र प्रदर्शनमा आए पनि दुवैले अपेक्षाअनुसारको व्यापार गर्न सकेनन्।

असार ५ गतेदेखि प्रदर्शनमा आएको जीतु नेपालको निर्माण तथा अभिनय रहेको चलचित्र ‘आइएम जितबहादुर’ ले अपेक्षित व्यापार गर्न सकेन। चलचित्र विकास बोर्डको तथ्यांकअनुसार चलचित्रले प्रदर्शन अवधिभर ३१ लाख रुपैयाँ मात्रै कलेक्सन गरेको थियो। निर्माण लागतको तुलनामा यो रकम निकै कम रहेको बताइएको छ।