भाउ नपाउँदा कालीमाटीमै किसानले फाले गोलभेंडा

प्रतिकेजी २ रुपैयाँमा गोलभेंडा बेच्नु परिरहेको किसानको गुनासो छ। तर, त्यही गोलभेंडा खुद्रा पसलबाट भने प्रतिकेजी ३५ देखि ४० रुपैयाँमा उपभोक्ताले किन्नु परिरहेको छ। गाडावालाहरूले प्रतिकेजी २० देखि २५ रुपैयाँमा गोलभेंडा बिक्री गरिरहेका छन्।

काठमाडौं : शनिबार गोलभेंडाको थोक मूल्य प्रतिकिलो १२ रुपैयाँ थियो। आइतबार एकाएक ६ रुपैयाँ निर्धारण गरियो। यो मूल्यअनुसार किसानको वर्षभरिको मेहनत र लगानी पनि नउठ्ने भयो। त्यसैकारण उनीहरूले आइतबार कालीमाटी फलफूल तथा तरकारी बजार विकास समितिको सडकमा गोलभेंडा फ्याँके। कृषि प्रधान देशको सरकारको ध्यानाकर्षण गराए।