ट्रान्सपरेन्सी इन्टरनेशनलको नेपाल अध्यक्षमा शर्मा

काठमाडौँ । ट्रान्सपरेन्सी इन्टरनेशनल (टिआई) नेपालको २९ औँ वार्षिक साधारणसभाले आइतबार वरिष्ठ चार्टर्ड एकाउन्टेन्ट मदनकृष्ण शर्मालाई अध्यक्ष पदमा निर्वाचित गरेको छ ।

सभाले कार्यसमिति सदस्यमा सुनिता गुरुङ्ग, लीलाप्रसाद सापकोटा, सुरेन्द्रवीर मालाकार, सरोजप्रसाद पाण्डे, महेन्द्रनारायण श्रेष्ठ, राजेशकुमार जोशी र सीता भट्टलाई निर्विरोध निर्वाचित गरेको कार्यकारी निर्देशक आशीष थापाले जानकारी दिए ।