सडक निर्माण अलपत्र छाडेर ठेकेदार दुई वर्षदेखि सम्पर्कविहीन

ठेक्का सम्झौताअनुसार बाजुराको कोल्टी–मार्तडी सडकअन्तर्गत चुथी–ढम्कने खण्डको पाँच किमि गत असारमै कालोपत्रे भइसक्नुपथ्र्यो, तर पौने पाँच करोड लगिसकेको बानियाँ–ईश्वशेर जेभी १५ प्रतिशत मात्रै काम गरेर दुई वर्षदेखि गायव छ ।

ठेकेदार नै सम्पर्कविहीन भएपछि बाजुराको कोल्टी–मार्तडी सडकखण्डअन्तर्गत पर्ने बडीमालिका नगरपालिका– ७ को चुथीदेखि ढम्कनेसम्मको पाँच किमि सडक कालोपत्रे अलपत्र परेको छ । ३० असार ०८० सम्म काम सक्ने गरी १९ कात्तिक ०७६ मा पूर्वाधार विकास कार्यालय अछामसँग सम्झौता गरेको बानियाँ–ईश्वशेर जेभी कामै नगरी दुई वर्षदेखि सम्पर्कविहीन छ । जब कि २१ करोड ५४ लाख ५६ हजारको ठेक्कामा उसले चार करोड ७३ लाख भने लगिसकेको छ ।