समस्यामा परेर वैदेशिक रोजगारीबाट फर्किएका मधेशी महिला उजुरी नै गर्दैनन्

“एक दिन भोकै बस्न सकिन्छ, दुई दिन बस्न सकिन्छ, तर ३/४ दिनसम्म त कसरी भोकै बस्न सकिन्छ ?” धनुषाकी विनिता सदा (३३) को यो प्रश्नमा लुकेको छ उनी कुवेतबाट भागेर नेपाल फर्कनुको कारण ।

तीन जना बच्चा स्याहार्ने, घरको सरसफाइ गर्ने, खाना पकाउनेलगायतका काममा दैनिक १८ घण्टा खटिनुपर्ने तर भरपेट खानै नपाउने भएपछि कुवेतमा काम गरिरहेको घर छाडेर भागेको उनी बताउँछिन् ।