लघुवित्तमा आगजनी र तोडफोड

विराटनगर : मोरङमा लघुवित्तका दुईवटा शाखा कार्यालयमा मंगलबार दिउँसो आगजनी र तोडफोड गरिएको छ।

प्रहरीका अनुसार कानेपोखरी गाउँपालिका-२ दलेलीमा रहेको अभियान लघुवित्त र बेलबारी नगरपालिका-७ नयाँ बाहुनीमा रहेको नेशनल लघुवित्त वित्तीय संस्थामा आगजनी र तोडफोड भएको हो। अभियान लघुवित्तमा कानेपोखरी-२ कालीस्थानका रामबहादुर लिम्बूसहित १०/१२ जनाको संख्यामा पुगेको समूहले दिउँसो १२:४० बजेतिर आगजनी गरेको प्रहरीले जनाएको छ।