अस्पताल भवन निर्माण अलपत्र

खोटाङ। ठेकेदार कम्पनीको लापरबाहीका कारण खोटाङको जन्तेढुंगा गाउँपालिका ५‚ चिसापानी बजारमा निर्माणाधीन १५ शय्याको आधारभूत अस्पताल भवन अलपत्र परेको छ।

ठेकेदार कम्पनी ड्रागन–रियर जेभी र गाँउपालिकाबीच २५ असार २०७८ मा ठेक्का सम्झौता भएको थियो। कम्पनीले २८ असार २०७९ मा भवन निर्माण सम्पन्न गरी पालिकालाई हस्तान्तरण गरिसक्नुपर्ने व्यहोरा सम्झौतामा उल्लेख छ।