चुनावको परिणाम आइनसक्दै बेलायतमा सत्ता हस्तान्तरण

लन्डन । बेलायतमा चुनावको मतगणना नसकिँदै सत्ता हस्तान्तरण भएको छ । विपक्षी लेबर पार्टीले कुल ६५० सिटमा अब दुई सिटको परिणाम आउन बाँकी छ ।

अहिलेसम्म विपक्षी लेबर पार्टीले ४१२ सिट जितेको छ भने सत्तारूढ कन्जरभेटिव पार्टीले १२१ सिट जितेको छ । पछिल्लो पटक गरिएको पोलमा लेबर पार्टीले ४१० सिट र कन्जरभेटिवले १३१ सिट जित्ने पूर्वानुमान गरेकोमा सो अनुमान लगभग मिलेको छ ।

शुक्रबार नै बकिंघम प्यालेसमा गएर कन्जरभेटिभ पार्टीका नेता तथा तत्कालीन प्रधानमन्त्री ऋषि सुनकले राजा चाल्र्स तृतीयसमक्ष राजीनामा दिएका थिए । त्यसपछि बहुमत प्राप्त पार्टीका नेता किएर स्टार्मरलाई राजाले निम्तो गरेका थिए । नवनियुक्त प्रधानमन्त्री स्टार्मरले प्रधानमन्त्री कार्यालय १० डाउनिङ स्ट्रिटबाट सम्बोधन गर्दै परिवर्तनको काम तत्काल सुरु गरिने बताएका छन् । उनले भनेका छन्, "कुनै पनि देशमा बदलाव गर्नु स्वीच दबाएजस्तो हुँदैन । यसका लागि केही समय लाग्नेछ ।"

उनले पहिलाका प्रधानमन्त्री ऋषि सुनकको कामको पनि तारिफ गरेका छन् । बेलायतमा लेबर पार्टी १४ वर्षपछि सत्तामा आएको हो । यसअघि प्रधानमन्त्रीको कार्यालय बाहिर सम्बोधन गर्दै आफ्नो पार्टीको सबैभन्दा खराब प्रदर्शनको लागि देशवासीसँग माफी मागेका थिए । उनले भने, "म हारको जिम्मेवारी लिन्छु ।"

उनले १४ वर्षमा कन्जरभेटिभ पार्टीले गरेको कामको व्याख्या गर्दै बेलायत २०१० को तुलनामा अधिक समृद्ध र निष्पक्ष भएको बताए । उनले नयाँ प्रधानमन्त्री स्टार्मरको सह्राहना गर्दै स्टार्मरको सफलताको पूरै देशले साझा गर्ने बताए ।उनले कन्जरभेटिभ पार्टीको नेतृत्वबाट पनि आफू हट्ने जनाएका छन् । बीबीसी

#बेलायत