समुद्री तटमा युक्रेनी ड्रोन खस्दा ७ जनाको मृत्यु, ४० जना घाइते

दक्षिणी रूसको समुद्री तटमा एउटा ड्रोन खस्दा तीन बालबालिकासहित सात जनाको मृत्यु भएको र ४० जना घाइते भएको स्थानीय अधिकारीहरूले बताएका छन्।

सामाजिक सञ्जालको भिडियोमा एउटा ड्रोन समुद्रकिनार नजिकको चट्टानतर्फ तीव्र गतिमा उड्दै आएको र त्यसपछि समुद्री तटमा ठोक्किएर ठूलो विस्फोट भएको देखिन्छ। त्यसबेला धेरै पर्यटकहरू किनारमा तथा समुद्रमा रमाइरहेका थिए।