विश्वकप २०२३ : प्रभाव पार्न सक्ने खेलाडी – एडन मारक्रम (दक्षिण अफ्रिका)

दक्षिण अफ्रिकी टोलीका अलराउन्डर खेलाडी हुन्, एडन मारक्रम । उनी दक्षिण अफ्रिकालाई उमेर समूहको विश्वकपको उपाधि दिलाउने पहिलो कप्तान पनि हुन् । दक्षिण अफ्रिकाको सिनियर टोलीले भने हालसम्म एकदिवसीय विश्वकपको उपाधि जित्न सकेको छैन ।

२९ वर्षीय एडन मारक्रमले सन् २०१४ मा दक्षिण अफ्रिकालाई यू—१९ विश्वकपको उपाधि चुमाएका थिए । त्यो विश्वकपको फाइनलमा दक्षिण अफ्रिकाले पाकिस्तानलाई ६ विकेटले हराएको थियो । त्यो विश्वकपमा एडन मारक्रम दक्षिण अफ्रिकाका लागि सर्वाधिक रन बनाउने खेलाडी पनि बनेका थिए । समग्रमा भने उनी सर्वाधिक रन बनाउने खेलाडीको सूचिमा तेस्रो स्थानमा थिए ।