जुट केलाउन जुटेकाहरू [तस्बिरहरू]

इनरुवा- सुनसरी क्षेत्र नं- ३ को भोक्राहा हुँदै पूर्वपश्चिम हुने हुलाकी राजमार्गमा लस्करै जुटका लोक्ता ओछ्याइएका छन्। डिलमा बसेर भोक्राहा- ६ का स्थानीय जुट केलाउन व्यस्त छन्। कोही तल पोखरीमा गलाएर राखेका जुटका मूठा ओसार्दै छन् भने अधिकांश रेसा निकाल्नमै सक्रिय छन्।

गर्मीले बिदा माग्ने तरखर गरेको तर, गइनसकेको कात्तिकको दोस्रो दिन त्यहाँ पुगेका थियौं, हामी। स्थानीयहरू चर्को घामलाई बेवास्ता गर्दै आफ्नो काममा सक्रिय थिए। चिल्लो सडक बनेको छ। स्थानीयहरूका लागि कालोपत्रे सडक निकै उपयोगी छ, गुड्नलाई भन्दा यसैगरी जुट, अनाज र पराल सुकाउन।