फ्रान्समा डढेलोपछि दोस्रो विश्वयुद्धकालीन ४०० बम फेला

फ्रान्सको दक्षिणी क्षेत्रमा रहेको जंगलमा लागेको भीषण डढेलोपछि ले पोर्गे गाउँमा दोस्रो विश्वयुद्धकालीन करिब ४०० वटा बम र गोलाबारुदको भण्डार फेला परेको छ।

डढेलोका क्रममा सुनिएका विस्फोटहरू सुरुमा ग्यास सिलिन्डर पड्किएको अनुमान गरिएको थियो। तर स्थानीय अग्नि नियन्त्रण कमाण्डरका अनुसार ती विस्फोटहरू गर्मीका कारण सक्रिय बनेका दोस्रो विश्वयुद्धकालीन विस्फोटक पदार्थका हुन सक्ने अनुमान गरिएको छ।