राष्ट्र बैंक सञ्चालक समिति सात सदस्यीय नै

काठमाडौँ- प्रतिनिधिसभाअन्तर्गतको अर्थ समितिले नेपाल राष्ट्र बैंकको सञ्चालक समिति एक जना महिलासहित सात सदस्यीय बनाउन सहमति जुटाएको छ।

मंगलबार समितिमा नेपाल राष्ट्र बै्रक ऐन, २०५८ लाई संशोधन गर्न बनेको विधेयकमाथिको दफावार छलफलका क्रममा ९ सदस्यीय सञ्चालक समिति प्रस्ताव गरिएकोमा पूर्ववत् रूपमा नै सात सदस्यीय समिति बनाउन सहमति जुटेको हो।