समानुपातिक सूची टुङ्ग्याएर कांग्रेस मध्यरात आयोगमा

काठमाडौँ। नेपाली कांग्रेसले समानुपातिक उम्मेदवारको बन्दसूची लिएर निर्वाचन आयोगको केन्द्रीय कार्यालय पुगेको छ । सोमबार पार्टी केन्द्रीय कार्यालयमा बसेको केन्द्रीय कार्यसम्पादन समितिको बैठकले समानुपातिक प्रणालीअन्तर्गत समावेश गरिने ११० जनाको नामावली पारित गरेपछि कांग्रेस नेतृत्व मध्यरात आयोग पुगेको हो ।

सोमबार साँझ कार्यसम्पादन समितिको बैठकबाट नामावली पारित भएको प्रवक्ता डा. प्रकाशशरण महतले जानकारी दिएका थिए । ‘११० जनाको नामावली कार्यसम्पादन समिति बैठकबाट पारित भएको छ,’ डा. महतले भने ।