ट्रम्पको चीन भ्रमणबारे पुटिन र सी जिनपिङबिच छलफल हुने

मस्को । रुसी राष्ट्रपति भ्लादिमिर पुटिनले अमेरिकी राष्ट्रपति डोनाल्ड ट्रम्पको भर्खरैको चीन भ्रमणबारे चिनियाँ नेता सी जिनपिङसँग प्रत्यक्ष छलफल गर्ने आशा राखेको क्रेमलिनले शुक्रबार जनाएको छ ।

क्रेमलिनका प्रवक्ता डिमिट्री पेस्कोभले पत्रकारहरूसँग कुरा गर्दै पुटिनको आगामी बेइजिङ भ्रमण चिनियाँ र अमेरिकी पक्षबिच भएका सम्पर्कहरूबारे विचार आदान प्रदान गर्ने राम्रो अवसर हुने बताएका हुन् । पुटिनको चीन भ्रमणको मिति अहिलेसम्म घोषणा भने गरिएको छैन ।