झरना रनिङ  शिल्डको उपाधि योङ  स्टारलाई

तिलोत्तमा — स्वर्गीय उदीयमान खेलाडी अंकित पुनको स्मृतिमा आयोजित ३७ औं झरना रनिङ शिल्ड नकआउट प्रतियोगिताको उपाधि योङ स्टार मडाहाले जितेको छ । सोमबार भएको अन्तिम खेलअन्तर्गत निर्धारित समयमा दुवै टिमले १-१ गोलको बराबरी खेलेपछि पेनाल्टी सुट आउटमा गएको खेलमा योङ स्टारले उपाधि चुमेको हो ।

झरना स्पोर्ट्स क्लबको आयोजनामा उमा आधारभूत विद्यालयको मैदानमा भएको खेलको पहिलो हाफमा कपिलवस्तु-११ का अरुण चौधरीले गोल गरेपछि योङ स्टारका अनुज गैरेले गोल फर्काएर बराबरी बनाएका थिए । त्यसपछि टाइब्रेकरमा पुगेको खेल योङ स्टारले ४-३ ले जितेको हो ।