मकवानपुरका सीडीओले भनेः चिकित्सकको पर्चाबिना औषधि नबेच्नू

हेटौँडा । मकवानपुरका प्रमुख जिल्ला अधिकारी वसन्त अधिकारीले औषधि पसलहरूलाई कानुनी मापदण्ड पूर्ण रूपमा पालना गर्न आग्रह गरेका छन् ।

सोमबार औषधि व्यवसायीहरूसँगको अन्तरक्रियामा उनले वर्षौँदेखि एउटै ढर्रामा सञ्चालित पसलहरूलाई स्मार्ट र व्यावसायिक बन्न भने । प्रजिअ अधिकारीले कतिपय औषधि पसलहरू २५/३० वर्षदेखि एउटै अवस्थामा रहेको र सामान्य सुधार समेत नगरेको उनले बताए । औषधिको नाम, डाक्टरको नाम र खाने तरिका स्पष्ट लेखिएको कागजको झोलामा औषधि प्याक गरेर दिने (प्रोफेसनल) शैली अपनाउन उनले सुझाव दिए ।