वेस्ट इन्डिजलाई हराउँदा नेपालको कीर्तिमान

काठमाडौं। नेपाली क्रिकेटले सोमबार ऐतिहासिक उपलब्धि हासिल गरेको छ। संयुक्त अरब इमिरेट्स (युएई)स्थित सारजाह अन्तर्राष्ट्रिय क्रिकेट स्टेडियममा भएको दोस्रो टी–२० अन्तर्राष्ट्रिय खेलमा नेपालले दुई पटकको टी–२० विश्वकप विजेता वेस्ट इन्डिजलाई ९० रनले पराजित गर्दै नयाँ कीर्तिमान कायम गरेको हो।

१७४ रनको लक्ष्य पछ्याउँदै क्रिजमा उत्रिएको वेस्ट इन्डिज १७.१ ओभरमै ८३ रनमा अलआउट भयो। यो पुरुष टी–२० अन्तर्राष्ट्रियमा कुनै पनि आईसीसी पूर्ण सदस्य टोलीले एसोसिएट राष्ट्रविरुद्ध बनाएको सबैभन्दा न्यून स्कोर हो।