दिल र दुर्गाले जिते बिच भलिबलको उपाधि

पाल्पा । राष्ट्रिय वीच भलिबल प्रतियोगिताको उपाधि त्रिभुवन आर्मी क्लवको जोडीले जितेको छ । प्रेमको प्रतिक रानीमहल दरवार परिसरमा शनिवार सम्पन्न फाइनलमा नेपाल पुलिस क्लवको जोडीलाई पराजित गर्दै आर्मीको जोडीले उपाधि जितेको हो । आर्मीका दिल सुनार र दुर्गाप्रसाद महतोको जोडीले पुलिसका इमवहादुर राना र चन्द्रवहादुर कुँवरको जोडिलाई २१–१९ र २१–१५ को सोझो सेटमा पराजित गरेको थियो ।

अर्काे विभागिय टोली एपिएफको टिमले कर्णाली प्रदेशलाई २१–१८ र २१–१७ को सोझो सेटमा हराएर तेस्रो वनेको छ । प्रतियोगितामा प्रथम दितीय र तृतीय हुने टिमले क्रमश ः १ लाख ५० हजार, १ लाख र ५० हजार रुपैया प्राप्त गरेका छन् । उपाधि दिलाउन सफल भूमिका निर्वाह गरेका आर्मीका दिल सुनारले उत्कृष्ट खेलाडी भएर रु १० हजार प्राप्त गरे ।