प्रविधिको विश्व मञ्चमा नेपाल : एआई र रोबोटिक्समा नेपाली टोलीको ऐतिहासिक उपलब्धि

काठमाडौं । कृत्रिम बुद्धिमत्ता (एआई), रोबोटिक्स र कोडिङ क्षेत्रमा नेपाली विद्यार्थीले अन्तरराष्ट्रिय मञ्चमा उल्लेखनीय सफलता हासिल गरेका छन् । इन्डोनेसियाको राजधानी जाकार्तामा आयोजित विश्वस्तरीय प्रतियोगितामा नेपालका सहभागी टोलीहरूले विभिन्न विधामा पुरस्कार जित्दै देशको गौरव बढाएका हुन् ।

७० भन्दा बढी राष्ट्रका विद्यार्थीबीच भएको प्रतिस्पर्धामा नेपालबाट सहभागी ६ टोली पुरस्कृत हुन सफल भए भने थप तीन टोली उत्कृष्ट ३० भित्र स्थान बनाउन सफल भएका छन् । प्रतियोगितामा करिब १,५०० विद्यार्थीको सहभागिता रहेको आयोजकले जनाएको छ ।