यी जिल्लामा भारी वर्षा भयो, सतर्कता अपनाउनू : बाढी महाशाखा

पछिल्लो ६ घण्टामा दैलेख, जाजरकोट, दाङ, प्युठान, कपिलवस्तु,कास्की र आसपासका क्षेत्रमा मध्यमदेखि भारी वर्षा भएको भन्दै बाढी पूर्वानुमान महाशाखाले स्थानीयलाई सतर्कता अपनाउन सुझाव दिएको छ।

महाशाखाले आज (सोमबार) राति ९:५० बजे सूचना जारी गरी उल्लिखित जिल्लामा मध्यमदेखि भारी वर्षा मापन भएकाले ती स्थानका नदीमा जलसतह बढ्न सक्ने देखिएको जनाएको हो।