चालु आर्थिक वर्षको ६ महिनामा लुम्बिनी प्रदेश सरकारको खर्च १८ प्रतिशतमात्र

बुटवल । लुम्बिनी प्रदेश सरकारले चालु आर्थिक वर्षको आधा समयसम्म सरदर १८ प्रतिशत बजेटमात्र खर्च गरेको छ । लुम्बिनी प्रदेश सरकारले चालु आर्थिक वर्षका लागि ४० अर्ब ४७ करोड ९७ बजेट विनियोजन गरेकोमा पुस मसान्तसम्म पुँजीगत र चालु गरी ७ अर्ब ४८ करोड रुपैयाँ खर्च गरेको प्रदेश कोष तथा लेखा नियन्त्रक कार्यालयले जनाएको छ ।

प्रदेश सरकारले पहिलो ६ महिनाको अवधिमा पुँजीगत खर्च १५.८५ प्रतिशत र चालु खर्च २२.०८ प्रतिशत गरी जम्मा १८.५० प्रतिशत प्रतिशत खर्च गरेको हो ।