आसाममा बाढीका कारण थप ६ जनाको मृत्यु,२१ लाखभन्दा बढी प्रभावित

आसाममा बाढीको अवस्था निरन्तर बिग्रँदै गएको छ । गएरातिदेखि आएको बाढीका कारण थप ६ जनाको मृत्यु भएको छ । बाढीबाट २९ जिल्लाका २१ लाखभन्दा बढी मानिस प्रभावित भएका छन् ।

प्रदेशका ठूला नदीहरु खतराको निशानभन्दा माथि बगिरहेका छन् । नलबारी जिल्ला सबैभन्दा बढी प्रभावित क्षेत्र हो । असम राज्य विपद् व्यवस्थापन प्राधिकरण (ASDMA) ले बिहीबार राति बाढीका कारण मृत्यु भएका छ जनामध्ये चार गोलाघाट जिल्लाका रहेको बताएको छ। डिब्रुगढ र चिरायदेव क्षेत्रमा एक–एक जनाको मृत्यु भएको छ ।