उपाधिका लागि नेपाल र हङकङ भिड्दै

काठमाडौं– सिङ्गापुरमा जारी एसियन गेम्स पुरुष क्रिकेट छनोट प्रतियोगिताको फाइनलमा नेपालले आज सोमवार दिउँसो हङकङसँग प्रतिस्पर्धा गर्दैछ । नेपाली समयअनुसार आज दिउँसो १२ः१५ बजेदेखि प्रारम्भ हुने फाइनल खेल रोमाञ्चक हुने अपेक्षा गरिएको छ, किनभने दुबै टीम अपराजित रहँदै उपाधि भिडन्तका लागि पुगेका हुन् ।

आइतवार सम्पन्न पहिलो सेमिफाइनलमा नेपालले ओमानलाई ८ विकेटले पराजित गर्दै फाइनलमा स्थान बनाएको थियो । जीतका लागि ओमानले दिएको ९५ रनको सामान्य लक्ष्य नेपालले ९.२ ओभरमा २ विकेट गुमाएर पूरा गरेको थियो ।