रुसी ड्रोन आक्रमणबाट पानीजहाज डुबेको युक्रेनको दाबी

काठमाडौं । युक्रेनी राष्ट्रपति भोलोदिमिर जेलेन्स्कीले रुसी ड्रोन आक्रमणका कारण ब्ल्याक सागरस्थित रोमानियाली जलक्षेत्रमा मालवाहक पानीजहाज डुबेको आरोप लगाएका छन् ।

रोमानियाको आन्तरिक मामिला मन्त्रालयका अनुसार सोमबार आफ्नो विशेष आर्थिक क्षेत्रमा मकै बोकेको मालवाहक जहाजमा आगलागी हुँदा दुईजनाको मृत्यु भएको छ । ११ जनाको उद्धार गरिएको छ । जहाजमा अजरबैजानी र भारतीय नागरिक सवार थिए । आगलागीको आधिकारिक कारण भने खुलाइएको छैन ।