पतनको डिलमा पुगेका प्रचण्डको गोटी किन बनिरहेका छन् रवि ?

बिहीबार बिहान राष्ट्रिय स्वतन्त्र पार्टीका सभापति एवं गृहमन्त्री रवि लामिछानेसहित चारै सांसद गोजीमा राजीनामा बोकेर बालुवाटार पुगेका थिए ।

सरकार अल्पमतमा परिसकेपछि सत्तामा बस्नु ‘राजनीतिक नैतिकताअनुरूप नहुने’ निष्कर्षसहित बालुवाटार पुगेका उनीहरूले फर्किँदा नैतिकता कता बिर्सिए भन्ने पत्तै नपाएको देखिन्थ्यो । केहीबेरको प्रचण्ड मन्त्रणामा मुग्ध भएका उनीहरू नैतिकताको तिलान्जली दिएर केही दिनका लागि भए पनि सत्ताकै चास्नीमा फर्किन पुगे ।