मधेश प्रदेश सरकार र नेपाली सेनाको संयुक्त आयोजनामा विपद् प्रतिकार्य अभ्यास

काठमाडौँ- मधेश प्रदेश सरकार र नेपाली सेनाको मध्य पूर्वी पृतनाको संयुक्त आयोजनामा सर्लाहीको बागमती नगरपालिका-११ स्थित बागमती नदी किनारमा प्रदेशस्तरीय विपद् प्रतिकार्य सम्बन्धी अभ्यास सम्पन्न भएको छ।

जेठ २२ गते सञ्चालन गरिएको उक्त अभ्यास ‘हातेमालो-८’ नामक कार्यक्रमअन्तर्गत सम्पन्न भएको हो। नेपाली सेनाको जनसम्पर्क तथा सूचना निर्देशनालयका अनुसार विपद् व्यवस्थापन क्षमता अभिवृद्धि गर्ने उद्देश्यले यो अभ्यास आयोजना गरिएको हो।