विश्वकपमा गोल-मेसिन हालाण्ड र गेम-चेन्जर यामलले डेब्यु गर्दै

काठमाडौं ।

वर्तमान विश्व फुटबलमा दुईवटा यस्ता नक्षत्र चम्किरहेका छन्, जसले खेलको परिभाषा र गति दुवैलाई बदलिदिएका छन् । ती हुन्, नर्वेका एर्लिङ हालाण्ड र स्पेनका लामिन यामल । यी दुवै युवा सुपरस्टारहरू आ-आफ्नो टोलीको आक्रमणको मुख्य हतियार हुन् । तर, उनीहरूको खेल्ने शैली, शारीरिक बनावट, मैदानभित्रको भूमिका र फुटबलको यात्रा भने निकै भिन्न र रोचक छ । आगामी फिफा विश्वकप २०२६ मा पहिलो पटक पाइला टेकेर विश्वकपमा नै डेब्यू गर्न लागेका यी विपरित ध्रुवका यी दुई युवा फुटबलरहरूले विश्वभरका फुटबल प्रेमीहरूको ढुकढुकी बढाउने निश्चित छ ।