३७० वर्ष पुरानो बंगालको दुर्गापूजा, जहाँ माछा–मासु पनि परम्पराको हिस्सा

कोलकाता । भारतको पश्चिम बंगालमा दुर्गापूजा केवल धार्मिक पर्व मात्र नभई पुस्तौँदेखि चलिआएको सांस्कृतिक र पारिवारिक परम्पराको महत्वपूर्ण हिस्सा हो। विशेषगरी कोलकाताका पुराना सम्भ्रान्त परिवारमा मनाइने पारिवारिक दुर्गापूजाले आज पनि सयौँ वर्ष पुराना संस्कार, पूजा विधि र खानपानका परम्परालाई निरन्तरता दिइरहेका छन्।

दक्षिण कोलकाताको बेहालामा रहेको सबर्ण राय चौधरी परिवारको दुर्गापूजा यस्तै ऐतिहासिक परम्परामध्ये एक हो। यो पूजा करिब ३७० वर्ष पुरानो मानिन्छ। परिवारका अनुसार यसको सुरुआत सन् १६१० मा लक्ष्मीकान्त मजुमदारले गरेका थिए। कोलकाता सहरको आधुनिक विकास हुनुभन्दा धेरै पहिलेदेखि यो परिवारमा दुर्गापूजा हुँदै आएको बताइन्छ।