जेनजी आन्दोलनकाे बेला तोडफोड र आगजनीमा संलग्न रंजन सिंह कारागार चलान

वीरगञ्ज । वीरगञ्ज महानगरपालिका–३ स्थित अनिशमान सिंहको निजी घरमा तोडफोड तथा आगजनी गरेको आरोपमा रंजन सिंह राजपुत पुर्पक्षका लागि कारागार चलान भएका छन्।

आपराधिक उपद्रव तथा डाँकासम्बन्धी कसुरमा जिल्ला अदालत पर्साले राजपुतलाई पुर्पक्षका लागि वीरगञ्ज कारागार पठाउने आदेश दिएको हो। न्यायाधीश सरिता रायमाझीको एकल इजलासले उनलाई थुनामा राखेर मुद्दाको पुर्पक्ष गर्न आदेश दिएको छ।