पेरेज पुनः रियलको अध्यक्षमा निर्वाचित

मड्रिड। आइतबार सम्पन्न क्लबको निर्वाचनमा जित हासिल गर्दै फ्लोरेन्टिनो पेरेज थप चार वर्षका लागि रियल मड्रिडको अध्यक्षमा निर्वाचित भएका छन्।

रियल मड्रिडको क्लब टेलिभिजन च्यानलले पेरेजले आफ्ना प्रतिद्वन्द्वी एनरिके रिकेल्मेलाई पराजित गरेको समाचार सार्वजनिक गरेलगत्तै मध्यरातमा आयोजित विजय उत्सवमा उनले आफ्ना समर्थकहरूलाई सम्बोधन गरे। सम्बोधनका क्रममा उनले ‘रियल मड्रिडले थप उपाधिहरू जितोस् भन्नका लागि हामी लगातार काम गरिरहने छौँ’ भन्दै प्रतिबद्धता जनाए।