चीन ओपनमा जितपछि कोको गफमाथि सामाजिक सञ्जालमा जातीय दुर्व्यवहार

अमेरिकी टेनिस स्टार कोको गफले चीन ओपनमा खेलका क्रममा भएको घटनापछि सामाजिक सञ्जालमा आफू जातीय दुर्व्यवहारको सिकार भएको बताएकी छन्।

बेइजिङमा भएको खेलमा गफले १६ वर्षीया चिनियाँ खेलाडी सुन सिनरानलाई ७-५, ६-१ ले पराजित गर्दै अन्तिम १६ मा स्थान बनाएकी थिइन्। पहिलो सेटमा ४-५ को अवस्थामा गफले सर्भ गरिरहेकी थिइन्। त्यसक्रममा सुनले गफको प्रहार कोर्टभित्र नपर्ने ठानेकी थिइन्।