आबाट आमामा

सामूहिक विवाहको रमाइलो माहोलमा अभिनेता पल शाह र अभिनेत्री मलिका महतसहितका कलाकार छमछमी नाचेका छन्।

यो दृश्य समेटिएको फिल्म आबाट आमा २ को गीत अचेल किन कान्छी सार्वजनिक गरिएको छ। गीतको भिडियो एक दिनअघि मात्रै सुटिङ गरिएको निर्माण पक्षले जनाएको छ। डान्सिङ शैलीको गीतमा पल शाह, मलिका महत, आकाश श्रेष्ठलगायतका कलाकार सामूहिक नृत्यमा देखिएका छन्। सामूहिक विवाहमा दुलाहा–दुलहीस“गै दुलाहाहरूले समेत नाचेको दृश्य गीतमा समेटिएको छ। गीतको भिडियोमा देखाइएको सामूहिक नृत्य र विवाहको माहोलले यसलाई रमाइलो बनाएको छ। नृत्य निर्देशन गम्भीर विष्टले गरेका हुन्।