भत्कियो रेलवे स्टेसनको यार्ड,तत्काल मर्मत गर्न निर्देशन

विराटनगरको आइसिपीसँगै जोडिएको रेलवे स्टेसन, नेपाल कस्टम यार्ड (एनसिवाई) को संरचना भत्किएपछि अर्को कार्गो रेल आउँदा अनलोडमा समस्या उत्पन्न हुन सक्ने सम्भावना बढेको भन्दै चिन्ता व्यक्त गरिएको छ ।

गत साउन ४ गतेयता चार वटा कन्टेनर कार्गो यार्डसम्म आएर अनलोड भइसकेको छ । अनलोडका लागि प्रयोग हुने क्रेन (रिच स्टेकर) र कन्टेनरको भार थेग्न नसक्दा यार्डको कालोपत्रे उप्किएर फाटेको हो ।