‘रामायण’ को सुटिङ सेटमा आगलागी- रणवीर र साई पल्लवीको सेटमा क्षति

मुम्बई । मुम्बईस्थित फिल्म सिटीमा रणवीर कपुर र साई पल्लवीको बहुप्रतिक्षित चलचित्र ‘रामायण’ को छायाङ्कन भइरहेको एउटा अस्थायी सेटमा सोमबार आगलागी भएको छ।

गोरेगाउँ पूर्वस्थित फिल्म सिटीमा रहेको रिलायन्स मिडिया वर्क्स र प्राइम फोकसको पछाडिपट्टि सोमबार दिउँसो ४ः०२ बजे लेभल १ को आगलागी भएको हो। बीएमसीको मुम्बई फायर ब्रिगेडका अनुसार प्राइम फोकस स्टुडियोको पछाडि १००ह२० फिटको अस्थायी सेटमा रहेको पीसीआर युनिटबाट आगो सुरु भएको थियो।