झलनाथ खनालको दाबी : केपी ओलीको राजनीतिक इतिहास सिद्दिएको देख्दैछु (भिडिओसहित)

काठमाडौं, २२ साउन । नेकपा (एकीकृत समाजवादी) का सम्मानित नेता तथा पूर्व प्रधानमन्त्री झलनाथ खनालले अहिले देशको राजनीतिक अवस्था नै विशिष्ट रहेको भन्दै कुनै एक दल सग्लो रुपमा एक्लै हिँड्नसक्ने अवस्था नभएको बताएका छन् । उनले पाँच दलीय गठबन्धनभित्र पनि कांग्रेसबाहेकको छुट्टै मोर्चा रहने बताएका छन् ।

आज राति प्राइम टिभीबाट प्रसारण भएको जनता जान्न चाहन्छन् कार्यक्रममा पत्रकार ऋषि धमलासँग कुरा गर्दै उनले यस्तो बताएका हुन् । उनले आफूहरुले निर्माण गर्ने नयाँ मोर्चा मुलुकको राजनीतिमा तेस्रो शक्तिको रुपमा उदय हुने जिकिर गरे । उनले सकेसम्म आफूहरुले विचार मिल्ने दलहरुसँग मिलेर जान खोजेको सुनाए ।