कांग्रेस महाधिवेशन : महामन्त्रीमा डा. डिला संग्रौलाको उम्मेदवारी दर्ता

काठमाडौँ – नेपाली कांग्रेसकी नेतृ डा. डिला संग्रौलाले पार्टीको १५औँ महाधिवेशनअन्तर्गत महिला महामन्त्री पदमा उम्मेदवारी दर्ता गराएकी छन् । मंगलबार दिउँसो राष्ट्रिय सभागृहस्थित निर्वाचन समितिको कार्यालय पुगेर उनले मनोनयन पत्र दर्ता गराएकी हुन् ।

महाधिवेशनअन्तर्गत नयाँ कार्यसमिति चयनका लागि मंगलबारदेखि उम्मेदवारी दर्ता प्रक्रिया सुरु भएको छ । राष्ट्रिय सभागृहमा कार्यालय स्थापना गरी उम्मेदवारी फारम वितरण र दर्ता प्रक्रिया अघि बढाइएको निर्वाचन समितिका सदस्य सचिव राजु कटवालले जानकारी दिए । निर्वाचन समितिले मनोनयनका लागि अपराह्न ४ बजेसम्मको समय निर्धारण गरेको छ ।